Med "nytt" hus frå 1953 er det nok å gjere. Kjøkkenet er tatt, men no står badet for tur. Ved å slå saman eit tidlegare kjøkken og eit toalett er vi oppe i 8 kvadratmeter. Men ved å ta enden av ein gang, kan vi knipe opp til 2 kvadratmeter til, i form av ein tarm som hadde passa svært godt som dusjnisje.

Så kjem problemet: I den eventuelle dusnisja er den eine veggen brannmur/pipe, med ei feieluke på. I dag ulovleg dekka med glassfiberstrie. Men finst det ein godkjent måte å gjere veggen tett og ideelt sett dekka med fliser? Feieluka står såpass langt ute at den ikkje blir eit problem.

Nokon som har vore borti problemet, og funne ei løysing?